Liftgate Hatch Tailgate - Хойд хаалганы амаржин солив

Хойд хаалганы амаржин ажилладаггүй мөн дээшээ гүйцэд онгойдоггүй байсан. Нам онгойдог хаалгыг хүмүүс мөргөх гээд байдаг. Үүнийг сайжруулав

Өмнө нь онгойсон байдал

Амаржин ажиллахгүй нэвт өрөмдөж хадаасаар тогтоосон байдал

Урт нь шинэ амаржин, Өгөөмөр захаас хайж байгаад олж авав. Бүдүүн даац сайтай, өвөл хөлддөггүй чанараа таниулсан эд гэж худалдагч тайлбарлаж өгсөн. Энэ өвөл шалгах завшаан тохиох нуу яах нуу.

Хийсэн байдал. Санасныг бодоход их өндөр болсон, гэхдээ боломжийн гэж үзэж байгаа.

Хойд хаалга PVC байдаг. Бүх боолт, кноп бүрэн байхгүй бол хавтас нэг тогтохоо байгаад эхлэвэл тогтоох боломжгүй болдог. Тиймээс бүх кнопуудыг шинэчилж, боолтнуудыг гүйцээв

Idler bearing - Дамарны шариг солив

Хоёр дамарны шариг дуугарч байсныг шалгахад нэг нь гацсан, нөгөөх нь нэлээн дуутай байв. SLS Bearing дэлгүүрээс SKF брэндийн 6203 аас 2ш авч солив.

Шариг дуугарч байсан дамарнууд

27 -гийн дроцов тавьж цохиж гаргав

SKF брэндийн 6203 дугаартай шариг 2 дамарт таардаг

Дамарт шариг шахсан байдал

My New XJ

My new Jeep Cherokee XJ, Renix 4000cc engine, A/T Transmission, Dana 30 and 35

За дараагийн XJ-гээ удаан хайхгүй олсондоо баяртай байна. Өмнө нь ийм XJ байдгийг мэддэггүй байсан, бүх юм өөрөөрөө, сайхан хадгалсан тэрэг байхаар нь очиж үзээд шууд авсан. 4000сс цуваа 6-н цилиндр, автомат хурдны хайрцаг.

За ингээд их ажил ч ундарлаа даа ...

The XJ sold - Шинэ эзэнд нь хүлээлгэж өгөв

Өнгөрсөн хугацаанд олон ч холын аялалд, замын хүнд нөхцөлд эвдэрч хээр хонуулж үзээгүй итгэлд хүлэг минь алтан шар зам нь өлзийтэй байх болтугай.

6-н жилийн хугацаанд өөрийн бүтээсэн машиндаа дүгнэлт хийхэд. Би ганц том зүйл дээр алдсан байсан. Тэр нь Engine Swap. 4D56 мотор ердийн хэрэглээд маш сайн тохирсон мотор шатахуун бага иднэ, сэлбэг олдоц сайтай гэвч жижиг мотор учир байнгын хүч шавхсан зүйлд тохиромжгүй. Галлопер бандгар кроп гинжин дамжуулгатай учир хүч хэрэглэвэл дороо эвдрэх эрсдэлтэй. Ер нь нэг юм ойлгоход машиныг үйлдвэрээс ямар байсан тэр мотор кроп, явах эд ангиар нь унасан, тоноглосон нь хамгийн зөв зүйтэй зүйл байна гэсэн дүгнэлтэд хүрсэн. Тийм ч учраас шинэ эзний худалдаж авах саналыг би хүлээн зөвшөөрсөн.

Last trip to Zerleg 4x4 Cup 2019 - Зэрлэг 2019

Шар машинтайгаа аялсан сүүлийн аялал. Зэрлэгийн замаар бассэн орчоод ирсэндээ өөрөөр болон, өөрийн босгосон машинаараа бахархан сэтгэл төрсөн. Цуг явсан багийнхан сайн байсан учраас их зовохгүй явчхаад ирсэн. Миний бодлоор миний машины моторын чадал, хацар зүрхний харьцаа, машин жин, баланс нэлээн давгүй тохирсон санагдсан. XJ надад байгаа байдал, хэлбэр нь илүү их таалагддаг байсан бол түүнээс илүү сонирхол татах зүйл байсныг олж харсан аялал болсон. Гэхдээ 4D56 мотор бол зөвхөн хэрэглээнд л тохиромжтой, миний хүссэн зүйлийг тэр өгөхгүй. Тэмцээн дээр XJ гээ шинэ эзэнд нь өгөхөөр тохирсон тул буцахдаа дахиж хөдөө замд барихгүй дээ гэсэн бодлоор нэлээн машинаа мэдэрч явж ирсэн.

Jeep Wrangler Club Mongolia

SOS Trip to Russian Border and Mongol Rally - Оросын хил рүү машин чирэв

4-н хүнтэй Монгол Ралли-д оролцож байгаа машин Дарханы зам дээр эвдэрсэн Алтанбулаг -руу хүргээд өгөөч гэсэн дуудлага ирсэн. Ачигч машин явах боломжгүй байсан учраас машинаараа чирж хүргэж өгөв. Замд чирүүлж явсан машины дугуй 2 удаа обудаа цохиж хагалсныг эс тооцвол саадгүй хүргэж өгсөн.

Trip to Teshig and Khuvsgul Lake - Булган Тэшиг, Хөвсгөл далай аялал

Бүтэн жил хүсэн хүлээсэн, бэлдсэн аялалдаа гарсан. Хөвсгөл нутгаараа явж байгаад, найзын гэр бүл Булган,  Тэшиг явна гэснийг сонсоод зам тосов. Тэшиг нутаг хүмүүсийн хэлдгээр үнэхээр сайхан нутаг байна, дахин очмоор. Тавтын гол дээр хэд хоног сайхан амарч байгаад ирсэн. Онцлог нь Тавтын голын шумуул бол үнэхээр мангас юм билээ, бургас ихтэй газар буухгүй байхыг зөвлөе.